Loko GEMS yi tumbuluxiwa a ku ri na wena emiehleketweni. Hi hina xikimi xa swa rihanyo xa vanhu vo karhi lexikulu lexi tiyimiseleke ku langutana na swilaveko swa swa rihanyo swa Vatirhelamfumo.
Hi tiyimiserile leswaku xirho xin'wana na xin'wana xa hina na mindyangu ya vona va kuma mimbuyelo yo koteka na yo angarha hi ku tirhisa mihlawulo ya 5 ya mimbuyelo. Ku sukela loko xirho xo sungula xi joyinile GEMS hi 2006, hi kurile hi ndlela leyi hlamarisaka no vona leswaku hi xikimi xa swa rihanyo lexi nga hlawuleka, xo tirha no fikeleriwa hi Vatirhelamtumo.
Eka GEMS hi twisisa ku cinca loku yaka emahlweni ka bindzu ra swa rihanyo, kutani tanihi ntolovelo wa hina hi amukela mintlhontlho na swilaveko swintshwa, hi ku vona leswaku Xirho xin'wana na xin'wana xa katsawa naswona ku hava loyi a salelaka
U nga joyina GEMS loko u thoriwile eka:
Ndzawulo ya Rixaka longoloxiwile eka Xedyulu xa 1 xa Nawu wa Vukorhokeri bya Tiko;
Ndzawulo ya Xifundzankulu longoloxiwile eka Xedyulu xa 2 xa Nawu wa Vukorhokeri
Vulawuri bya Xifundzankulu longoloxiwile eka Xedyulu xa 2 xa Nawu wa Vukorhokeri Swiyenge swa vulawuri longoloxiwile eka Xedyul
Kumbe ntlawa wihi kumbe wihi wa vathori lowu pfumeleriweke hi Xikimi.
Khombo ra kona hileswaku u nge vi xirho xa GEMS loko u thoriwile hi:
Vuthu ra Vuhlayiseki ra Afrika-Dzonga;
Ejensi ya Vuhlori ya Rixaka;
GEMS yi na mimbuyelo yo fikeleleka eka hinkwerhu!
Munhu un'wana na un'wana a nga swi kota ku joyina GEMS, hikuva mali leyi u ti hakelaka ku va xirho xa xikimi yi ya hi mali leyi u yi holaka. Leswi swi vula leswaku u ta hakela mali ya le hansi ya mbuyelo wun'we ku pimanyisa na munhu loyi a holaka mali yo tala. Ku ri u hakela mali muni swi lawuriwa hi mpimo wa ndyangu wa wena na leswaku u hlawula nhlawulo wihi eka leyi ya ntlhanu.
Tanihi hi Xirho xa GEMS u ta tiphina hi:
Xikimi lexi nga na ntiyiso eka ku languta swilaveko swa wena - ha yingisa loko Swirho swi vulavula!
Mimbuyelo yo hlawuleka ya swa rihanyo hi mipimo leyi fikelekaka.
Sihundla hi ku hetiseka -mahungu ya wena ya swa rihanyo ya hlayisiwa tanihi hi xihundla hi ntalo - hambi ku ri eka muthori wa wena.
Hi hakela swikoxo hi xihatla naswona kahle eka masiku ya 14.
Tihlanganisa na Xirho nkarhi na nkarhi.
Senthara ya Tiqingho leyi nga ku pfunaka hi ririmi rihi kumbe rihi ra ximfumo ra Afrika-Dzonga.
Vukorhokeri bya tikhasimende bya malwandla no tirheka eka Senthara ya Tiqingho ta hina na tihofisi ta swifundza.
Tihofisi ta swifundza tiko hinkwaro ku kuma vukorhokeri na ku pfuniwa hi ku olova.
Ku kuma vuhlayiseki bya swa rihanyo hi ku angarha eka switirhisiwa swa mani na mani kumbe swa phurayivhete.
Nongonoko wa ku Lawula Mavabyi ku lawula matshungulelo na tihakelo ta mavabyi ya nkarhi hinkwawo.
Muphakeri wa vukorhokeri loyi a hlawuriweke loyi a nga ta vona leswaku u kuma mirhi ya wena ya mavabyi ya nkarhi hinkwawo nhweti na nhweti
Nongonoko wa Malawulelo ya HIV/Aids lowu ku nyikaka vuhlayiseki bya xihundla loko u byi lava swinene.
Vukorhokeri bya swa rihanyo bya xihatla bya tiawara ta 24 lebyi kumekaka eka tindhawu to tala eAfrika-Dzonga.
Vukorhokeri bya swa rihanyo bya le mahlweni na minongonoko yo kota Nongonoko wa Vutswedyana, Masiku yo Kambela Swa Rihanyo entirhweni wa wena, na swin'wana swo tala eka vukorhokeri lebyi kulaka byi ya emahlweni mikarhi hinkwayo. hi lava swi ku olovela ku tshama u hanyile kahle.
Loko u joyina GEMS, u xiphemu xa xikimi xa swa rihanyo lexi nga tiya eka swa timali naswona xi kulaka hi Vuxirho.
Ku va xirho, landzelela magoza lama landzelaka yo olova
Goza ra 1: Kuma fomo yo endla xikombelo - hi ku va u yi panga eka webu (www.gems.gov.za), kumbe hi ku tihlanganisa na Senthara ya Tiqingho eka 0860 00 4367, kumbe u tihlanganisa na ndzawulo ya HR ya wena;
Goza ra 2: Fomo leyi nga tatiwa - vona leswaku u tata swiyenge hinkwaswo hi ku hetiseka na ku tisa tidokhumente to engetela leti lavekaka (languta: Xana hi tihi tidokhumente leti u faneleke ku ti nghenisa eka xikombelo xa wena? laha hansi);
Goza ra 3: Hi Fekiseli, Poseli kumbe ku Imeyili fomo leyi nga tatiwa na tidokhumente.
Xana hi tihi tidokhumente leti u faneleke ku ti nghenisa eka xikombelo xa wena?
Loko u lava ku joyina GEMS, u fanele u tisa tikhopi ta tidokhumente to karhi leti nga sethifayiwa, to kota tidokhumente ta vutikombisi/ pasi, ra wena ni ya swirho swa ndyangu, swin'we na fomo ya wena yo endla xikombelo. languta webusayiti ya hina ya www.gems.gov.za ya nongonoko hi ntalo wa tidokhumente leti u faneleke ku ti rhumela, kumbe bela riqingho eka Senthara ya Tiqingho ya hina eka 0860 00 4367. swi na nkoka ku tiva leswaku loko u nga katsi tidokumente hinkwato leti hi ti lavaka, GEMS yi nge swi koti ku hlela xikombelo xa wena naswona swilo swi ta hlwela ku kondza loko tidokhumente hinkwato leti lavekaka ti rhumeriwile.
Tanihi mikarhi hinkwayo, GEMS yi tiyimiserile ku ku nyika mimbuyelo ya swa rihanyo yo hlawuleka yo fambelana na xikhwama xa wena. Hikwalaho ke, ha swi kota ku vona leswaku mitlakuso ya tihakelo ta wena ta nhweti na nhweti yi fambelana na inifilexini ya swa rihanyo. Hi tinyiketile eka wena hi ku ku nyika mihlawulo yo hambana. Ku na nhlawulo wa mbuyelo lowu fikelelaka swilaveko swa rihanyo swa ndyangu wa wena na swo ringana xikhwama xa wena!
Laha hansi ku na tihakelo ta nhweti na nhweti leti nga kombisiki sapusidi ya muthori. loko mutirhi a fanele ku kuma sapusidi, muthori u ta hakela xiphemu xa tihakelo kasi mutirhi yena a hakela xiphemu lexi nga sala. Makiximamu ya sapusidi yi ya hi ku ri ndyangu wu kurile ku fika kwihi naswona yi pimiwile ku fika eka 75% ya tihakelo ta nhweti na nhweti ta wena, ku fika eka mpimo wa R2 570.
Xikalo xa muholo Xirho Munhu Child
Xikalo xa muholo Xirho Munhu N'wana
Rhumela SMS eka 083 450 4367 boxa nomboro ya Phesali ya wena, kutani hi ta tihlanganisa na wena.
Bela riqingho eka Senthara ya Tiqingho ya 0860 00 4367.
